Уран сайхны гимнастикийн дэлхийн аварга шалгаруулах тэмцээн Азербайжан улсын Баку хотноо өнөөдөр эхэллээ.

Уран сайхны гимнастикийн насанд хүрэгчдийн 37 дахь удаагийн тус тэмцээнд нийт 60 орны 150 гаруй баг тамирчид өрсөлдөж байна. Манай улсаас  насанд хүрэгчдийн ангиллын ганцаарчилсан төрөлд хоёр тамирчин хүч үзэх бөгөөд ДАШТ-нд анх удаа оролцож байгаагаараа онцлог юм.

Тэмцээнд багийн ахлагчаар Б.Цогтбаяр, ОУ-ын Шүүгч, ОУХ-ий мастер Б.Эрдэнэзаяа, дасгалжуулагчаар Спортын мастер М.Булган, Ц.Тунгалаг нар дагалдан явж байна.

Уран сайхны гимнастикийн насанд хүрэгчдийн ДАШТ энэ сарын 12-ны өдрийг хүртэл үргэлжлэх юм.

Б.Лхам