Үндсэн хуульд нэмэлт, өөрчлөлт оруулах асуудлаар ард нийтийн санал асуулга авахаар болсон билээ. Тэгвэл үүнтэй холбогдуулан санал асуулга явуулах хугацаа, зардал, зохион байгуулалтын асуудлыг Ерөнхийлөгч, Ерөнхий сайд болон улс төрийн намуудтай зөвшилцөж, УИХ-ын тогтоолын төсөл боловсруулах ажлын хэсгийг байгуулах захирамжийг УИХ-ын  дарга Г.Занданшатар гаргажээ.

Ажлын хэсгийг УИХ-ын дэд дарга Л.Энх-Амгалан ахлах бол гишүүдийн бүрэлдэхүүнд УИХ-ын гишүүн, УИХ-ын дэд дарга Я.Санжмятав, УИХ-ын гишүүн Д.Лүндээжанцан, УИХ-ын гишүүн, УИХ дахь МАН-ын бүлгийн дарга Д.Тогтохсүрэн, УИХ-ын гишүүн, УИХ дахь АН-ын зөвлөлийн дарга Д.Эрдэнэбат, УИХ-ын гишүүн, Аюулгүй байдал, гадаад бодлогын байнгын хорооны дарга Т.Аюурсайхан,  УИХ-ын гишүүн, Байгаль орчин, хүнс, хөдөө аж ахуйн байнгын хорооны дарга Х.Болорчулуун, УИХ-ын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Д.Оюунхорол, УИХ-ын гишүүн, Төрийн байгуулалтын байнгын хорооны дарга С.Бямбацогт,  УИХ-ын гишүүн, Төсвийн байнгын хорооны дарга Б.Чойжилсүрэн,  УИХ-ын гишүүн, Хууль зүйн байнгын хорооны дарга Х.Нямбаатар, УИХ-ын гишүүн, Өргөдлийн байнгын хорооны дарга М.Оюунчимэг, УИХ-ын гишүүн, Эдийн засгийн байнгын хорооны дарга Ж.Ганбаатар, УИХ-ын гишүүн О.Баасанхүү, С.Жавхлан нар багтжээ.

УИх-ын даргын захирамжийн дагуу УИХ-ын гишүүд энэ сарын 23-ны өдрийг хүртэл тойрогтоо ажиллах юм. 
Түүнчлэн УИХ-ын гишүүдийн гадаад, дотоод томилолтыг түр хязгаарлаад байсан 184 дүгээр захирамжийг хүчингүй болгосон байна.

Г.Алимаа