Сүхбаатар аймгийн Дарьганга суманд байрлах шувуу бөгжлөх суурингийнхан “Ганга” нуурын ойр орчим дахь 27 зүйлийн 558 шувуу барьж, бөгжилжээ. Тодруулбал, тус багийнхан өнгөрсөн наймдугаар сарын 31-нээс энэ сарын 8-нийг хүртэл тус газарт ажилласан байна. Ингэхдээ борлог 120, бүхт 119, умардын дууч шувуу 105, тарчигна зэржигнэ 102, хурган намнаа 72 болон тольт дунхай, халиун хөөндэй, их алаг тоншуул зэрэг шувуудаас тус бүр нэгийг бөгжилжээ.

Шувуудыг ийн бөгжилснөөр нүүдлийн зам, үржлийн бүс нутгийг нь тодорхойлж,  хамгаалах ач холбогдолтой юм байна.