Засгийн газрын ээлжит хуралдаан үргэлжилж байна. Хуралдаанаар Ховд аймгийн Эрдэнэбүрэнгийн усан цахилгаан станц барих 28 мянган га газрыг улсын тусгай хэрэгцээнд авахаар тогтлоо.

Тус сум нь Шижигтийн хавцал зэрэг усан цахилгаан станц барихад байгалийн тогтоц ихтэй газар ихтэй учраас өртөг зардлыг бууруулах ач холбогдолтой аж. Учир нь манай улсын баруун таван аймгийн 390 мянган хэрэглэгч цахилгаанаа урд хойд хөршөөсөө авдаг. Ингэхдээ Дөргөний усан цахилгаан станцын үнэ ханштай харьцуулахад 5-6 дахин өртөг ихтэй эрчим хүчийг импортоор авч хэрэглэдэг байна. Тиймээс баруун таван аймагт эдийн засаг, нийгмийн өсөлт бий болоход эрчим хүчний асуудлыг шийдэхээр Эрдэнэбүрэнгийн усан цахилгаан станц бүтээн байгуулахаар болжээ.

Уг ажлын техник, эдийн засгийн үндэслэл хийгдэж дууссан бөгөөд нийт 288.5 сая ам.доллараар босно гэсэн тооцоо гарчээ. Үүний 95 орчим хувийг гаднын хөрөнгө оруулалтаар байгуудах бол лсын төсвөөс үлдсэн таван хувь буюу 14 сая ам. долларыг гаргах аж. Эрдэнэбүрэнгийн усан цахилгаан станц бүтээн байгуулах төслийг 3-4 жилийн хугацаанд барьж байгуулахаар төлөвлөжээ.

Б.Лхам