“Засгийн газрын үйл ажиллагааны хөтөлбөрийн хэрэгжилтийг хангуулах зарим арга хэмжээний тухай” Монгол Улсын Ерөнхий сайдын 2019 оны 01 дүгээр албан даалгаврын хүрээнд Монгол Улсын Ерөнхий сайд, Шадар сайд, Сангийн яамны харьяа байгууллагуудын “Нээлттэй өдөрлөг” Сүхбаатарын талбайд зохион байгуулагдаж байна.

Өнөөдөр Хууль зүй, дотоод хэргийн яам түүний харъяа агентлаг байгууллагуудын өдөрлөг болно. Энэ үеэр цагдаагийн байгууллагад өгөх иргэдийн санал, хүсэлт, өргөдөл хүлээн авна. Иргэний болон хуулийн этгээд, эд хөрөнгийн улсын бүртгэл, тээврийн хэрэгсэл жолоодох эрхийн лавлагаа, үнэмлэх олгох, оюуны өмчийн эрхийн мэдүүлэг авах, гадаадын иргэний виз, зөвшөөрөл, цахим визний танилцуулга, зөвлөгөө өгнө.

Мөн гэрлэлтийн баталгаа хийлгэх болон гадаад паспортын захиалга өгөх, иргэний үнэмлэх шинээр авах иргэд харьяалал харгалзахгүй үйлчлүүлэх юм байна. Ингэхдээ үнэмлэхний үнэ 18300 төгрөг, Зөрчлийн тухай хуулийн дагуу 20-30 нэгж төлөх аж. Харин иргэний үнэмлэхний сунгалт хийгдэхгүй

Б.Лхам