БНПУ-ын Плоцк хотноо энэ сарын 12-17-ний өдрүүдэд зохион байгуулагдсан сагсан бөмбөгийн олон улсын тэмцээнд Монгол Улсын шигшээ багийн дасгалжуулагч О.Баярцогт, туслах дасгалжуулагч Г.Цолмон нараар ахлуулсан залуучуудын эмэгтэй шигшээ баг тус улсын хотын даргын урилгаар анх удаа багаараа оролцлоо.
Тус тэмцээнийг Хилийн чанад дахь манлайлагч, Монгол Улсын дасгалжуулагч, сагсан бөмбөгийн Мон-Пол клубын Ерөнхийлөгч, Плоск хотын хүндэт иргэн Д.Энхбаатарын санаачилгаар зохион байгуулж, Монгол Улсаас БНПУ-д суугаа Элчин сайд Н.Батаа, ЭСЯ-ны хамт олон болон Польш дахь Монголчуудын холбоо дэмжлэг үзүүлэн ажилласан юм.
Польш улсын Плоцк хотын даргын нэрэмжит олон улсын энэхүү тэмцээнд манай баг бүрэлдэхүүн III байр эзэлж, тэмцээний “Билэгдэлийн Гарааны Таван Тоглогч”-ийн нэгээр ОУХМ Б.Өнөрзаяа тодорлоо.
