Эмийн сан, эмийн үйлдвэр, эм ханган нийлүүлэх байгууллагад хийсэн хяналт шалгалтын талаар Нийслэлийн мэргэжлийн хяналтын газраас мэдээлэл хийлээ. Тус газраас 1300 эмийн сангийн 130 орчимд нь нийслэлийн зургаан дүүргийн мэргэжлийн хяналтын газраас төлөвлөгөөт шалгалт хийж хяналтын хуудсаар үнэлгээ, дүгнэлт өгчээ. Шалгалтаар холбогдох дүрэм, журмыг хангаж ажиллаагүй, бүртгэлийн заавараас зөрүүтэй эм худалдсан, мэргэжлийн бус эм барьсан, хадгалалтын хугацаа дууссан эм зарсан гэх нийтлэг зөрчил гарсан байна.
Энэ үеэр дарга Л.Эрдэнэчулуун “Монгол Улсын эмийн бүртгэлд бүртгүүлээгүй, эмийг хууль бусаар хил гаалиар оруулж ирсэн байна. Цагдаагийн байгууллагад шилжүүлж эрүү үүсгүүлдэггүй юм уу?. Хил гаалиар хууль бус юм оруулаад ирчихсан байна. Ханган нь оруулж ирсэн бол тэрийг нь өг. Хууль бусаар оруулж ирсэн юмыг дамжуулаад зарагдаад яваад байж болдог юм уу. Та нар эх үүсвэртэй нь ажиллаач. Хаанаас авсныг нь шалгаад яв. Гэмт хэргийн шинжтэй үйлдэл илэрвэл цагдаагийн байгууллагад өгөхөөр байгаа. Яагаад энэ арга хэмжээ авахгүй байгаа юм. Яагаад хамгаалаад байгаа юм. Хууль бус үйлдлийг дэмжээд яваад байна. Ханган нийлүүлэх газрыг нь цагдаагийн байгууллагад өг. Үйл ажиллагааг нь зүгээр зогсоо. Мөн эм найруулах усан хангамжгүй Монос Улаанбаатар, Тавин-Ус, Ази фарм эмийн сангийн зэрэглэлийг бууруулна” гэдгийг тэрбээр онцоллоо.
С.Сүлд