Ерөнхийлөгчийн тамгын газраас Э.Оюунболд аваргын цолыг хураах эсэх талаар ямар ч байр суурь илэрхийлээгүй гэдгийг мэдэгдлээ. Тодруулбал, Э.Оюунболд аварга допинг хэрэглэсэн болох нь шинжилгээгээр тогтоогдсон учир Үндэсний бөхийн салбар хорооноос өнгөрсөн наймдугаар сарын 26-нд олон нийтэд үүнийг зарласан юм. Үүний дараа Э.Оюунболд аваргын цолыг хураах эсэх тухай яриа гарч, зарим хэвлэлээр Ерөнхийлөгчийн Тамгын газраас цол хураахгүй гэсэн мэдээлэл гарсан юм. Тэгвэл ЕТГ-аас дээрх мэдээллийг ийнхүү няцаалаа. 

Э.Оюунболд аваргын хувьд "Би допинг хэрэглээгүй. Миний шээсийг сольсон. Энэ хэргийг хууль хяналтын байгууллагаар шалгуулж, гуравдагч оронд шинжилгээ өгмөөр байна" гэж байр сууриа илэрхийлж, Нийслэл дэх Захиргааны хэргийн анхан шатны шүүхэд хандсан билээ.

Г.Нацаг