Сэлэнгэ аймгийн Ерөө сумын нутаг Могойт хэмээх газарт энэ сарын 3-ны өдөр аав, хүү хоёр руу баавгай дайрч, амь насыг нь хөнөөсөн хэрэг гарсан билээ. Талийгаач О нь хувиараа алт олборлож, амжиргаагаа залгуулдаг байсан бөгөөд хүүгийнхээ хамт Могойт хэмээх газарт сууршиад удаагүй байжээ. Уг хэргийг цагдаагийн байгууллагаас шалгаж байгаа бөгөөд Сибирт гарсан ой хээрийн түймрийн улмаас Сибирийн хар баавгай ойгоор дамжиж, манай улсад ирсэн байх магадлалтайг албанхан хэлж буй.
Харин нутгийн иргэдийн зүгээс ойн баавгайн идэш ховордсноос болж, ийнх хүн амьдардаг газарт ирэх болсон байна.
Байгаль орчин, аялал жуулчлалын яамнаас баавгайг агнаж болохгүй гэсэн үүрэг чиглэл өгсний дагуу нутгийн иргэд сум тавьж үргээх, эс бөгөөс ой руу хөөж оруулах зэргээр арга хэмжээ авч ирсэн байна. Гэвч дээрх харамсалтай хэрэг гарсны дараагаар Сэлэнгэ аймгийн Онцгой комисс хуралдаж, аймгийн хэмжээнд онц байдал зарлаж, зайлшгүй тохиолдолд баавгайн эсрэг буу ашиглахыг зөвшөөрчээ.
Сэтгэгдэл (4)