Энэ сарын 7-ноос эхлэн цаг агаар сэрүүхэ төлөвтэй байгааг Цаг уур орчны шинжилгээний газраас мэдээллээ. Тодруулбал, энэ сарын 7-нд зүүн аймгийн зарим нутгаар, 9-10-нд төв болон зүүн аймгийн хойд хэсгээр хур тунадас, уулархаг нутгаар цас орох төлөвтэй байна. Мөн Дархадын хотгор болон Алтай, Хангай, Хөвсгөл, Хэнтэйн уулархаг нутаг, Завхан голын эх, Хүрэн бэлчир орчим, Туул, Тэрэлж голын хөндийгөөр шөнөдөө 5-10 градус хүйтэрч, өдөртөө 5-10 градус байх бол говийн бүс нутгийн өмнөд хэсгээр шөнөдөө 2-7 градус, өдөртөө 15-20 градус дулаан, бусад нутгаар шөнөдөө 0-5 градус хүйтэн, өдөртөө 11-16 градус дулаан байна. Мөн энэ 7, 9, 10-нд нутгийн зүүн хагаст сэрүүсэх аж.