БНГУ-ын “Олденбург филм фестиваль”-аас “Spirit of cinema award” шагнал хүртсэн “Хийморь” уран сайхны кино Оскарт нэр дэвших эрхээ авсан байна. Уг бүтээлийг Төрийн соёрхолт Ч.Лхамсүрэнгийн Хүрэн морь” найраглалаас сэдэвлэж, “Академи авардс” кино наадмын шилдэг найруулагч, Гран при шагналын эзэн Г.Эрдэнэбилэг найруулсан юм.
Уг бүтээл нь одоо “Сандиего интернэшнл филм фестиваль”-д өрсөлдөж байгаа бөгөөд наадмаас шилдэг бүтээлээр тодрох магадлалтай хэмээгдэж байгаа аж.
Монгол морины хийморь, монгол эрийн сүр сүлдтэй хэрхэн холбогддог тухай өгүүлэх уг киног гурван жилийн турш бүтээсэн бөгөөд хоёр зун дамнан зураг авалтаа хийжээ.
