Өнгөрсөн шөнө буюу энэ сарын 8-ний орой 19.00 цагийн орчимд Баянзүрх дүүргийн 27 дугаар хороонд оршин суух нэгэн өрхийн нам даралтын зуух дэлбэрсэн хэрэг гарсан билээ. Энэ талаар гэрийн эзэн Г.Жаргалсайхан "Энэ сарын 8-нд сайжруулсан шахмал түлш худалдаж авсан. "Тавантолгой түлш" ХХК-ийн ажилчдын зааварчилгааны дагуу нам даралтын зуухаа галласан боловч зуух дэлбэрсэн. Дэлбэрэлтээс болж зуух байрлаж байсан байшингийн хэсэг эвдэрсэн.

Зуухаа буруу суурилуулсан асуудал байхгүй. Хоёр жил хэрэглэсэн. Анх сууриллуулахдаа сангийн мэргэжлийн хүмүүсээр тавиулсан.

Манай зуух автомат хий авагчтай, ямар нэг хаалт хаасан зүйл байхгүй" гэлээ.

Г.Эрдэнэ