Засгийн газрын ээлжит хуралдаан болж байна. Хуралдаанаар Монгол, Австрийн Засгийн газар хоорондын комиссын хуралдааны тухай, Ашгийн төлөө бус хуулийн этгээдийн тухай хуулийн төсөл болон уг хуулийн төсөлтэй холбогдуулан боловсруулсан бусад хуулийн төсөл, Эрчим хүчний яамны үйл ажиллагааны стратеги, бүтцийн өөрчлөлтийн хөтөлбөрийг шинэчлэн батлах тухай зэрэг 10 асуудал хэлэлцэнэ.

Мөн энэ үеэр Ерөнхий сайд шахмал түлштэй холбоотой асуудлаар шийдвэр гаргах бөгөөд хэрхэн шийдвэр гаргах нь олон нийтэд хүлээлт үүсгээд байна. Тухайлбал, энэ сарын 8-ны өдрийн байдлаар шахмал түлшнээс угаартсан байж болзошгүй 122 хүн эмнэлэгт хандаж, зургаан иргэн амиа алдаад байна.

Тиймээс Ерөнхий сайд “Таван толгой түлш” компанид эрүүгийн хэрэг үүсгэж, шалгуулах эсэх нь өнөөдрийн Засгийн газрын хуралдааны шийдвэрээс тодорхой болох юм.

Б.Лхам