Сэлэнгэ аймгийн Ерөө сумын Могойн гол гэх газарт  амьдардаг 54 настай О, найман настай хүү Б-ийн хамт баавгайд бариулсан харамсалтай хэрэг гарсан билээ. Үүнээм өмнө хэд хэдэн сумын баг, тосгонд амьдардаг иргэдийн гэр, байшинд баавгай орж, эд хэрэгслийг нь эвдэлсэн хэрэг гарсан. Тэгвэл тус аймгийн Ерөө сумын Бугант тосгоны Цагаантохой гэх газарт амьдардаг иргэний гэрт баавгай халдсан гэх мэдээлэл байна. Азаар иргэний амь нас эрсдээгүй байна.

Мэргэжилтнүүд болон нутгийн иргэдийн хэлж буйгаар баавгайн идэш, тэжээл хомсдсон учраас хоол хайж ийн иргэдийн эд бараанд халдах болсон байна. Тиймээс аймгийн онцгой комисс хуралдаж, шаардлагатай арга хэмжээг авч хэрэгжүүлж буй юм.

Одоогийн байдлаар тус аймгийн Алтанбулаг, Ерөө, Хушаат, Жавхлант, Хүдэр зэрэг аймгуудад амьдардаг иргэдийн гэрт баавгай ороод байгаа аж.