Зэвсэгт хүчний жанжин штабын дарга Д.Ганзоригт хошууч генерал цол олголоо

2019-10-09

Монгол Улсын Ерөнхийлөгч Х.Баттулга Цэргийн дээд цол олгох тухай зарлиг гаргаж Зэвсэгт хүчний жанжин штабын дарга, бригадын генерал Д.Ганзоригт хошууч генерал цол олголоо.

Зарлигийг танилцуулж, цол олгох ёслол Дорноговь аймгийн Зүүнбаян сумын нутагт болж, төмөр замын бүтээн байгуулалтын ажилд гар бие оролцож буй цэргийн байгууллагын ажилтан, алба хаагчид оролцлоо.

Генерал цолыг Зүүнбаянд олгосон нь та бүхэнд урам зориг өгөх гэсэн зорилготой хэмээн Монгол Улсын Ерөнхийлөгч Х.Баттулга тодотгоод 1947-1949 оны үед ЗХУ /тухайн үеийн нэрээр/-ын Наушки өртөөнөөс Улаанбаатар хот хүртэл 400 км төмөр замыг хоёр жилийн дотор барьж дуусгасан байдаг талаар ярилаа. Улмаар 2019 онд буюу техник технологи хөгжсөн энэ үед ижил хэмжээний замыг барьж, байгуулж байгаа тул төлөвлөсөн хугацаанд нь бүтээн байгуулалтын ажлаа дуусгах хэрэгтэй гээд нийт бие бүрэлдэхүүнд ажлын амжилт хүсэв.

Монгол Улсын Ерөнхийлөгч Х.Баттулга Тавантолгой-Зүүнбаян чиглэлд барьж буй төмөр замын трассын дагуу ажлын явцтай танилцаж байна.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

Бат (203.91.118.180)

Генерал цол олгох нь урам зориг өгөх зорилготой ажээ. Ер нь генерал цол бол дэлхийн хэмжээнийх бгөөд албан тушаалын цол юм шүү дээ. Баттулга ерөнхийлөгчид толгой дутаад байна уу, у хувийн ашиг сонирхол нь дийлээд байна уу ЦЕГ-ын даргад тэр цолоо өгвөл өгөөчээ, Хүнийг албыг ингэж барьцаалж болдог л юм байна., Ийм явдал ганц Баттулгад ч байгаа юм биш л дээ, Ер нь Баттулга бол Ерөнхийлөгчийн хэмжээнд бэлтгэгдсэн хүн биш л дээ гэж ойлгодог. Ертөнцийн 3 үнэн гэдэг шиг хүнийг албан тушаал, цолоор нь барьцаалж, дарамталж өөрийнхөө эрхэнд оруулдаг башир аргыг Багабанди эхлүүлсэн, дараа нь Элбэгдорж сонгодог үргэлжлүүлсэн, муу юманд дадамгай гэж Баттулга янзтай хэрэгжүүлж байна.

2019 оны 10 сарын 10 | Хариулах