Энэ сарын 10-ны үүрээр буюу өнөөдөр өглөө Цайз 16 хорооллын гэр хороололд нэг өрхийн зургаан иргэн угаартаж эмнэлэгт хүргэгджээ. Тодруулбал, 2, 6,15 настай гурван хүүхэд ЭХЭМҮТ-д эмчлүүлж байгаа бол Хордлогын төвд нэг том хүн эмчлүүлж байгаа аж. Цагдаагийн байгууллагаас мэдээллэснээр энэ сарын 9-ны өглөөний 06.00 цагаас 10-ны өдрийн 06.00 цагийн хооронд угаартсан гэх 17 дуудлага ирсэн байна. Нийт 17 өрхийн 34 иргэнээс 18 нь хүүхэд, 16 нь том хүн байсан аж. Эдгээрээс есөн том хүн, гурван хүүхэд эмнэлэгт хэвтэн эмчлүүлж байгаа юм байна.
Сэтгэгдэл (1)