УИХ-ын намрын ээлжит хуралдаан болж байна. Хуралдаанаар Гэрч, хохирогчийг хамгаалах тухай хуульд нэмэлт, өөрчлөлт оруулах тухай хуулийн төсөл зэрэг 11 асуудал хэлэлцэнэ.

Хэлэлцэх асуудалтай холбогдуулан УИХ-ын гишүүн Б.Бат-Эрдэнэ хатуухан шүүмжлэл хэлсэн юм. Тэрбээр “Бид аливаа юмыг бүх түвшинд дарах, нуух сонирхолтой байдаг. Их Хурлын ирц ч хангалтгүй байна. Их Хурлын хамгийн чухал зүйл чинь ирц биз дээ. Өнөөдрийн чуулганы хуралдаан 30 орчим минут хоцорч эхэллээ.

Байнгын хороон нь ч хуралдахгүй. 2016 оноос хойш сонгуулийн бүрэн эрхийн хугацаанд хуралдаа суудаггүй, гадаадад зугаалаад явдаг хүмүүсийг нэрээр нь гаргачихсан. Зарлана шүү.

Яг цагаа тулахаар 20-иод хүн суугаад л хууль баталж байдаг. Их Хуралд найман удаа сонгогдсон Д.Лүндээжанцан гишүүн өглөө цагтаа ирээд л, цагтаа буугаад явж болж байна шүү. Тиймээс энэ асуудлыг цаашид ярих ёстой” гэв.

Б.Лхам