Өнгөрсөн амралтын өдрүүдийн байдлаар Тээврийн цагдаагийн алба нийт 547 дуудлага мэдээлэл хүлээн авснаас зам тээврийн ослын шинжтэй 451 дуудлага мэдээллийг шалгаж, шийдвэрлэжээ.

Бүртгэгдсэн зам тээврийн ослын улмаас 11 хүн гэмтэж бэртэж, нийслэлд хоёр хүн, орон нутаг хоёр хүний амь нас хохирсон байна.

Тухайлбал, энэ сарын 12-ны өдрийн 04.05-ийн орчимд Сонгинохайрхан дүүргийн 15 дугаар хороо Энхтайваны өргөн чөлөө, Цамбагаравын урд замд Тоёота Приус маркийн автомашины жолооч, явган зорчигчийг мөргөж амь насын хохироожээ.

Мөн энэ сарын 13-ны өдрийн 23.34 цагийн орчимд Сүхбаатар дүүргийн арваннэгдүгээр хороо Цагдаагийн гудамж “Их тамир-1” тавилга, хаалганы үйлдвэрийн урд замд Toyota prius маркийн автомашины жолооч зорчих хэсгийн нэгдүгээр эгнээнд зогсож, ачаа ачиж байсан Hyundai porter маркийн автомашины араас мөргөж жолооч 35 настай, эрэгтэй А нас барсан байна. 

Иймд тээврийн хэрэгслийн жолооч та бүхнийг замын хөдөлгөөний дүрмийн дагуу хөдөлгөөнд оролцохыг ТЭЭВРИЙН ЦАГДААГИЙН АЛБА-аас зөвлөж байна.  

“ДУРААРАА БИШЭЭ ДҮРМЭЭРЭЭ”