Дорноговь аймгийн Замын-Үүд боомтоор энэ сарын 8-ны өдөр иргэн Б нь БНХАУ-аас 110 хайрцаг 8 нэр төрлийн ундаа, хоол амтлагч, халуун ногоо гэх гарал үүсэл тодорхойгүй, хаяг шошгын зөрчилтэй бараа бүтээгдэхүүнийг хууль бусаар улсын хилээр нэвтрүүлэхийг завдсан байна.
Замын-Үүд боомт дахь Хилийн мэргэжлийн хяналтын албанаас илрүүлж, гарал үүсэл нь баталгаагүй бүтээгдэхүүнийг хураан авч Зөрчлийн тухай хуулийн дагуу хариуцлага ногдуулжээ.