Сонгинохайрхан дүүргийн 26 дугаар хорооны нутаг дэвсгэр дэх баруун аймаг руу салдаг байнгын хяналтын постонд үүрэг гүйцэтгэж байсан зохицуулагч, цагдаагийн ахлах ахлагч З.Батмөнх олон тооны үйлдэлтэй хулгайлах гэмт хэргийг илрүүлсэн байна. Тодруулбал, Тээврийн цагдаагийн албанаас орон нутгаас нийслэл рүү орж ирж байгаа тээврийн хэрэгслийн ачаа тээшинд үзлэг шалгалт хийх тус дүүргийн иргэн Г-ын эзэмшлийн Hyundai Verna маркийн автомашиныг 16 настай Б, Э нар нь бүлэглэн хулгайлсан гэмт хэргийг илрүүлсэн байна.

Дээрх гэмт хэргийг үйлдсэн Б, Э нар нь тус дүүргээс 3, Сүхбаатар дүүргийн нутаг дэвсгэрээс 1 тээврийн хэрэгслийг хулгайлсан болох нь шалгалтын явцад тогтоогдсон байна. Эдгээр иргэдийг эрэн сурвалжилж байсан бөгөөд хэргийг харьяа цагдаагийн хэлтэст шилжүүлжээ.