Д.Лүндээжанцан “2020 оны төсөв чухал төсөв орж ирж байна. УИХ-ын гишүүдийн гол ажил нь төсөв хэлэлцэж батлах, хууль тогтооах, ард түмний төлөөллийн үүргээ биелүүэх гэсэн гурван чухал үүрэг бий. 76 тойргоос нэг нэгээрээ сонгогдсон гэдэг утгаараа тойргийнхоо төлөөлөл болохоос өөр аргагүй. Худалдан авах энэ тэрийн хүмүүстэй уулзсан.

Төсөв баталж чадаж байна. Гэтэл хэрэгжилтэд хангалттай хяналт алга. Бүрэн эрхээ хэрэгжүүлж чадаж байна уу. Тиймээс төсвийн асуудлыг онцгой анхаарч үзсэн нь ийм учиртай. Урт хугацааны төсвийн бодлоготой энэ нь гол механизм нь болдог байх учиртай. Хөдөө орон нутагт, хотод явж байхад төсвийн төлөвлөлт муу байна. Хэрэгжихдээ олон хүнд суртал дамжсаар байгаад хугацаандаа хэрэгждэггүй. Хэрэгжсэн ч хэрэгжилт тааруу байна гэж байна. Концессийн гэрээгээр 30 сургууль барихаар газрыг нь ухсан. Хамгийн эмзэг бүлгийнхэн амьдардаг газар шүү дээ. Шавь тавина гээд тууз хайчлуулсан. Гэтэл энэ нь шүүхэд шилжсэн байна. Жижиг асуудал мэт санагдаж магадгүй. Гэтэл бүх дүүрэгт ийм асуудал байна. Концессийн эх үүсвэрээр баригдах гээд орхигдсон асуудлаас болж хэчнээн хүүхэд хохирч байна гэж бодож байна. Хаа хол газраас сургуульд явахын тулд хөлдүү зам дээр бүдэрч унаж, хөлөө гэмтээн, нохойд бариулж байна” гэлээ.

Үүний хариуд Ё.Баатарбилэг “Э.Бат-Үүлийг хотын дарга байхад концессоор сургууль барихаар болсон компани нь газрыг нь шийдээд өгчих гэсэн юм билээ. Гэтэл хэрэгжээгүй. Дараа нь дахиад асуудал яригдсан. Тэгэхэд 20 газар дээр барина гэж хэлсэн юм билээ. Гэтэл нэгхэн газарт сургуулиа барьж эхэлсэн байсан. Тиймээс зөвшөөрлийг нь цуцлуулсан. Ирэх оноос эдгээр газар дээр сургууль барьж эхэлнэ” гэлээ.

Г.Нацаг