Дипломат албадын томилгоотой холбоотой асуудал болон Монгол Улс “Саарал жагсаалт”-д орох эсэх асуудал олны анхаарлыг татаад байна. Энэ асуудалтай холбогдуулан Гадаад харилцааны сайд Д.Цогтбаатар “Элчин сайдаар томилуулахаар долоон хүний нэрийг өргөн барьсан. Үүн дээр нэмэгдээд нэг хүний асуудлыг өргөн барина. “Саарал жагсаалт”-ын хувьд албан ёсны мэдэгдэл Европийн цагаар өнөөдөр гарна.

Тэнд тагнуул, ХЗДХЯ, Монголбанк гэсэн байгууллагын төлөөлөл хуралд оролцож байгаа. “Сааралт жагсаалт”-ад орсноор ард түмэн өрөнд орно гэсэн асуудал байхгүй. Гадаад харилцааны асуудал гэхээсээ илүүтэй дотоодын техниктэй холбоотой асуудал. Гадаад харилцааны бодлого хэвийн үргэлжилж байна. Манай улсад байнга зөвлөмж өгсний дагуу шаардлагатай алхам хийж ирсэн. Үүнийг цаад байгууллагаас үнэлсэн. Сэтгүүлчид үүнийг мэдээлж байгаа харагдсан. Ганц, хоёр зүйлийг гүйцээж хийгээрэй гэсэн. Үүнийг та бүхэн бүгдээрээ мэднэ. Европид болж байгаа хурлаас техникийн шинжтэй шийдвэр гаргадаг. Улс төрөөс ангид. Манай дотоодын хууль, журманд тодорхой шаардлага тавьж байна. Мөн банк санхүүгийн байгууллагын өөрчлөлтийн асуудлаар шаардлага тавьсан. Үүнийг нь биелүүлээд явж байна” гэлээ.

Г.Эрдэнэ