МАН-ын дэргэдэх НАМЭХ-ны VII чуулганаар Эрүүл мэндийн сайд Д.Сарангэрэлийг ерөнхийлөгчөөрөө сонголоо. Түүнийг Ерөнхий сайд У.Хүрэлсүх нэр дэвшүүлсэн юм. Харин Сангийн дэд сайд Х.Булгантуяа заалнаас нэрээ дэвшүүлсэн ч санал таслах эрх бүхий 317 гишүүний 75 хувийн саналаар Д.Сарангэрэлийг сонгожээ. НАМЭХ-ны өмнөх ерөнхийлөгчөөр УИХ-ын гишүүн Ц.Цогцолмаа ажиллаж байсан юм.

НАМЭХ нь 1994 онд байгуулагдсан. Анхны даргаар нь Д.Алтай ажиллаж байсан бол түүний дараа УИХ-ын гишүүн Д.Оюунхорол, Ц.Цогзолмаа нар ажиллаж байв. Ямартай ч, УИХ-ын ээлжит сонгуулийн өмнө тэргүүнээ ийн өөрчилсөн НАМЭХ-г сайд Д.Сарангэрэл ирэх жилүүдэд зангидахаар болж байна.

С.Сүлд