УИХ-ын чуулганы нэгдсэн хуралдаанаар Засгийн газраас өргөн мэдүүлсэн Гэрч, хохирогчийг хамгаалах тухай хуульд нэмэлт, өөрчлөлт оруулах төслийг хэлэлцэх эсэхийг хэлэлцлээ. Энэ үеэр УИХ-ын гишүүд асуулт асууж, хариулт авлаа. 

О.Баасанхүү: Нэг гишүүн нь Олон улсын парламентын чуулган дээр Монгол Улсыг доромжилж ярилаа. ШИНЭ галзуу хоёр нөхрийн хийсэн мэдэгдэл үнэн үү. Хуулийг гаргаж байгаа нь хүүхдийн эрх ашигтай холбоотой юу. Эсвэл өөр нэгнийг хажуудаа байлга гээд байна уу?.

Ц.Нямдорж: Ж.Батзандан, Л.Болд нараас өөрсдөөс нь асуусан нь дээр биз. Яргалсан эрүүдэн шүүсэн нь үнэн. Баримттай, бичлэгтэй асуудал. Хэн нэгнийг ялаас чөлөөлөх асуудал гэж мушгих хэрэггүй. Би байнга ярьж байгаа. Сүүлийн 70 жил байгаагүй яргалал явсан. Үүнийг гурван жил хэлж байна. Тэдгээр хүнийг суллахгүй гурван жил хүрлээ. Дахиад Ерөнхийлөгчид санал тавих гэж байгаа. Өмгөөлөгч байсан О.Баасанхүү үүнийг мэдэж байгаа байлгүй дээ. Би тэдгээр хүнтэй тус бүртээ нь ганц удаа уулзсан. Яргаллын бичлэг гарахаас өмнө уулзсан. Өдөрт гурван удаа тавагтай хоол шидчихээд, суугаагаараа дөрвөн жил болсон. Ядарсан иргэдийг шоронд тарвалзаж байна гэж ярьдгаа болих хэрэгтэй. Шүүхийн шийдвэрээ өөрчилж өгөхгүй болохоор тэр хүмүүс шоронд байна. Би хэрвээ Ерөнхий шүүгч, прокурор байсан бол шүүхийн тогтоолыг хүчингүй болгох байсан. Үүнийг Олон улсын парламентын холбоо гайхаж байгаагаа илэрхийлсэн. Гэтэл энд сууж байгаа УИХ-ын гишүүд нь яргалсан хүмүүсийг өмөөрч байгааг гайхаж байна. Нэг л удаа тэдэнтэй уулзсан. Тийшээ яваад байх шаардлагатай байхгүй. Сүүлд Ж.Батзандан нарын гишүүд Түр хорооны шугамаар очиж уулзсан байна лээ. Миний хувьд бол хэлмэгдсэн нь дэндүү ойлгомжтой” гэлээ.

С.Сүлд