Яармагийн замын явган зорчигч нарт зориулан “Явган зорчигч өөрөө удирддаг гэрлийн товчлуур”-ыг байрлуулсан ба ирэх даваа гаригаас ажиллаж эхлэхээр болжээ.
Хөдөлгөөний эрчмээс үл хамааран явган зорчигч байхгүй тохиолдолд ч хориглосон улаан гэрэл асаж хөдөлгөөнийг саатуулдаг байсныг өөрчилж явган зорчигч ирсэн тохиолдолд өөрсдөө асаах боломжтой болж байгаа нь замын хөдөлгөөний эрчим нэмэгдэж жолооч нар шаардлагагүй зогсолт хийхгүй болж байна.
Явган зорчигч гарцаар гарах үедээ товчлуурыг дарж ямар гэрэл асаж байгаагаас шалтгаалан 15-20 секундийн дараа зөвшөөрсөн ногоон гэрэл асаж, явган зорчигчид гарцаар зам хөндлөн гарах боломжтой болох юм.
