Өнөөдөр Сонгинохайрхан дүүргийн 21 дүгээр хорооны нутаг дэвсгэр дэх Аргүнтийн даваанд ноцтой осол гарлаа. Ослын улмаас зургаан иргэн газар дээрээ нас барсан гэх мэдээлэл бий бөгөөд гэмтэж бэртсэн арав гаруй иргэнийг ГССҮТ-д яаралтай түргэн тусламжаар хүргэхээр авч явсан байна. Осолдсон автобус дотор нэгэн их сургуулийн багш, ажилчид явсан бололтой гэж ослын газарт байсна иргэд хэллээ.

Яг одоо ослын газар  цагдаагийн алба хаагчид болон шинжээчид ажиллаж байна.

Сонгинохайрхан дүүргийн Аргүнт хэсэг нь Улаанбаатар хотоос 25 км зайд байрладаг. Эрчимжсэн мал аж ахуй түлхүү хөгжсөн газар юм. Тус бүс нутагт өнөөдөр 11.00 цагаас эхлэн цасаар шуурч эхэлсэн учир автозам цасаар хучигдаж, халтиргаа гулгаа үүсэж, үзэгдэх орчин тааруу байна. Осол болсон газрын автозам нь огцом эргэлттэйн дээр халтиргаа гулгаа ихтэй болсон учир тус хэсгээр зорчих иргэдийг анхаарал болгоомжтой байхыг анхааруулж байна. Амралтын өдрүүдэд таарсан энэ цаг үед тус замын ачаалал харьцангуй нэмэгдээд буй юм. 

Г.Нацаг