Жү-До бөхийн хэвтээ барилдаанд үндэслэсэн тулааны спортын нэг төрөл болох жюу жицүгийн “SEOUL INTERNATIONAL PRO” олон улсын нээлттэй тэмцээн 2019 оны аравдугаар сарын 20-нд БНСУ-д боллоо.
Тус тэмцээнд нийт 10 орны 320 тамирчин оролцсон бөгөөд манай улсын 21 тамирчин насанд хүрэгчид, мастрес ангилалд өрсөлдөж, нэгдсэн дүнгээр долоон алт, гурван мөнгө, гурван хүрэл медаль хүртсэн амжилтаар Монгол Улс II байрт шалгарсан юм. Тус тэмцээнд Улсын Ерөнхий прокурорын газрын ажилтан, жюу жицүгийн Азийн аварга Б.Мөнгөн дээрх тэмцээний 94 кг-ийн жинд барилдаж, алтан медаль хүртсэн амжилт гаргасан байна. Тэрбээр чөлөөт бөхийн спортын мастер, сумын заан цолтой бөгөөд 2018 онд жюу жицугийн олон улсын Гран при тэмцээнд 94 кг-ийн жинд Алтан медаль авч Азийн аварга болсон юм.
Ирэх сарын сарын 09-нд БНСУ-д болох “SEOUL-LIGEU ROYAL” олон улсын тэмцээнд оролцохоор бэлтгэлдээ гараад байгаа бөгөөд үргэлж тусалж, дэмжиж байдаг гэр бүл, ажлын хамт олондоо болон О.Болд-Эрдэнэ багштай “ГАРУДА” академийнханд талархал илэрхийлжээ.
