Баянхонгор аймагт үйл ажиллагаа явуулдаг “Баянхонгор констракшн” компанийн “Мах март” үйлдвэрийн 41 ажилтан фреон хийнд хордсон байдалтай яаралтай түргэний тусламж авсан талаар бид мэдээллэсэн билээ. Тэгвэл түргэн тусламж очих үед ухаан алдсан хоёр иргэн эрчимт эмчилгээний тасагт хэвтэн эмчлүүлж байгаа аж.
Тус аймгийн Мэргэжлийн хяналтын газраас "Мах март" үйлдвэрийн үйл ажиллагааг зогсоосон бөгөөд урьдчилсан байдлаар агуулах, зооринд хөргүүрийн зориулалтаар ашигладаг "Фреон R-22" алдагдсаны улмаас ажилчид хордсон байж болзошгүй гэж үзсэн байна. Прокурорын хяналт дор аймгийн Мэргэжлийн хяналтын газар, Цагдаагийн газар, Онцгой байдлын газар хамтран үйлдвэрт үзлэг, шинжилгээг үргэлжлүүлэн хийж, ослын хор уршгийг арилгахаар ажиллаж байгаа аж.