Жуулчны визээр манай улсад орж ирсэн 500-гаад хятад залуугийн баривчилгааны талаар одоогоор албан ёсны тайлбарыг аль нэг байгууллага хийгээгүй байгаа. Харин Засгийн газрын өнөөдрийн хуралдаанд энэ талаар танилцуулахаар болсон бөгөөд үүний дараа мэдээлэл хийж магадгүй байна. Албан ёсны мэдээлэл хийгээгүйгээс баривчилгааны талаар олон янзын таамаглал цахим орчинд өрнөж байгаа. Гэхдээ эдгээрээс хамгийн бодитой нь жуулчны визээр манай улсад хөл тавьсан хятад залуус цахим казино ажиллуулж байсан байж магадгүй байгаа юм.  Эдгээр хятад залуус Монголын хилээр 20-иод хоногийн өмнө орж иржээ.

С.Сүлд