Үндсэн хуулийн Цэцийн дарга Д.Одбаяр болон түүнийг дагалдан явсан А нар аравдугаар сарын 31-нд Улаанбаатар-Сөүлийн чиглэлийн “Кореэйн Айр” авиа компанийн онгоцоор зорчиж явахдаа онгоцны үйлчлэгч бүсгүйн биед халдсан асуудлаар саатуулагджээ. Энэ талаар БНСУ-ын томоохон хэвлэлд мэдээлснээр “Монгол Улсын Цэцийн дарга Д.Одбаяр нь 20 орчим насны үйлчлэгч бүсгүйн бэлхүүс орчимд гар хүрч, дагалдан явсан А /42 настай/ нь бас нэгэн үйлчлэгч бүсгүйн мөрөн дээр гараа тавих зэргээр “бэлгийн дарамт” үзүүлсэн байна. Дуудлагыг авсан даруйд тус улсын цагдаа нар онгоц буухыг хүлээж байгаад баривчилжээ.
Д.Одбаяр нь Сөүл-Улаанбаатарын чиглэлийн нислэгээр Индонез улсад болох Олон улсын хуралд оролцохоор явч байсан байна. Монгол Улсын Цэцийн дарга Д.Одбаярыг цагдаагийн байгууллагаас саатуулан шалгасны үндсэнд суллажээ.
Цэцийн дарга Д.Одбаяр нь:
1987-1989 онд Дорнод аймгийн Пионерийн зөвлөл, ХЗЭ-ийн хороонд зааварлагч,
1990-1991 онд МХЗЭ-ийн гүйцэтгэх хороо, Тэргүүлэгч гишүүн,
1991-1992 онд Монголын Залуучуудын холбоо, Хяналтын зөвлөлийн дарга,
1997-2000 онд Хууль зүйн яам, ахлах мэргэжилтэн, Олон улсын эрх зүйн тасгийн ахлагч, газрын дарга, Хууль зүй, дотоод хэргийн яам, Төрийн захиргаа удирдлагын газрын дарга,
2000-2004 онд Дорнод аймгийн Засаг дарга,
2004-2012 онд Монгол Улсын Их Хурлын гишүүн, Хууль зүйн байнгын хорооны дарга, Хууль зүй, дотоод хэргийн сайд,
2013-2016 онд “Альтернатив энерги” ХХК, зөвлөх.
2016 оны 11 дүгээр сарын 17-ны өдөр Монгол Улсын Их Хурлаас нэр дэвшин Монгол Улсын Үндсэн хуулийн цэцийн гишүүнээр томилогдсон.
2017 оны 6 дугаар сарын 14-ний өдөр Монгол Улсын Үндсэн хуулийн цэцийн даргаар сонгогдсон.
С.Сүлд
Сэтгэгдэл (34)