УИХ-ын Эдийн засгийн байнгын хорооны хуралдаанаар Монголбанкны ерөнхийлөгч Н.Баяртсайханыг чөлөөлөх эсэх асуудлыг хэлэлцэж байна. Үүнтэй холбогдуулж гишүүд байр сууриа илэрхийлж байна.

Г.Занданшатар: Д.Эрдэнэбат гишүүнийн санаа, зовнилыг гүнээ ойлгож байна. Д.Эрдэнэбат даргаас ирүүлсэн бичиг надад байна. Хамгийн түрүүнд Монголбанкны ерөнхийлөгч, Санхүүгийн зохицуулах хорооны даргыг огцруулах тухай албан бичиг. Монголбанкны ерөнхийлөгч нээлттэй захидалдаа хийсэн ажил, үр дүнгээ тайлагнасан байна лээ.

О.Баасанхүү: Та ямар алдаа буруу үйл ажиллагаа явуулсан учраас “Саарал жагсаалт”-д орсон юм бэ?.

Ж.Ганбаатар: Та юу юм. Би хурлаа даргалж байна. О.Баасанхүү чимээгүй байж бай?.

Н.Баяртсайхан: Монгол Улс 2004 онд ФАТФ-д гишүүнээр эллсэн. 2006 онд мөнгө угаахтай тэмцэх тухай хуулийг баталсан. Хуулийг баталсны дараа 2007 онд харилцан үнэлгээ хийсэн. Энэхүү үнэлгээгээр 2013 онд “Саарал жагсаалт”-д орсон. 2014 онд гарсан. Үүнээс цааш 2014-2015 одн харилцан үнэлгээ хийсэн. Хар, саарал жагсаалтад орох эрсдэлтэй байгааг 2017 онд зарласан. Чадахаараа ажилласан. 2019 оны долдугаар сард хуралдсан хурлаар Монгол Улс хэлэлцсэн. Техникийн талын үзүүлэлтэй сайжруулсан гэсэн үнэлэлт авсан. Дараа үр дүнгийн үзүүлэлтийн хэрэгжилтийг авч хэлэлцсэн. 11-ээс долоо нь сайжралттай, дөрөв нь хангалтгүй үнэлгээ авсан гэлээ.

Т.Аюурсайхан: Хариуцлагыг харин ч хожуу авч байна. Өнөөдөр хариуцлага төрд зайлшгүй хэрэгтэй. Цаашдаа хариуцлагатай ажиллах хэрэгтэй.

Г.Занданшатар: Нэр бүхий гишүүд өмнө нь Монголбанкны ерөнхийлөгчийг огцруулах төсөл санаалчилж байсан. Я.Содбаатар нарын гишүүд Монголбанкны үйл ажиллагааг хангалтгүй гэж үзэж байсан. Шинэчлэл зайлшгүй шаардлагатай. Монголбанкны ерөнхийлөгч  Н.Баяртсайханы хувьд төрд 38 жил ажилласан туршлагатай эдийн засагч хүн гэж тогтвор, суурьшилтай ажиллуулахыг хүсч байсан. Гэвч цаг үе биднээс хариуцлага тооцохыг шаардаж байна.

Монголбанкны Ерөнхийлөгчийг огцруулах санал хураалт явууллаа. Байнгын хорооны хуралдаанд оролцсон гишүүдийн олонхийн саналаар Н.Баяртсайханыг Монголбанкны Ерөнхийлөгчөөс чөлөөлөхийг дэмжлээ.

С.Сүлд