"Улаанбаатар төмөр зам” ХНН-ийн даргаар ажиллаж байсан Л.Пүрэвбаатарт холбогдох хэргийг АТГ-аас шүүхэд шилжүүлэх саналтайгаар прокурорт шилжүүлсэн байна. Тодруулбал, Л.Пүрэвбаатар нь албаны бүрэн эрх, албан тушаалын байдлаа урвуулан ашиглаж өөртөө давуу байдал бий болгож, өөрийн эхнэрийн захирлаар нь ажилладаг ХХК-ниас автомашин худалдан авсан аж. Хэргийн мөрдөн байцаалт дуусаж, ийн прокурорт шилжүүлсэн байна.

Ташрамд дурдахад, Л.Пүрэвбаатар нь тус байгууллагын даргаар ажиллаж байхдаа байгууллагын хөрөнгөөр авсан нэг тэрбум гаруй төгрөгийн үнэ бүхий хаусыг эргүүлэн  өгөхгүй гэж шүүхэд хандсан байдаг. Уг асуудлыг шүүх хянан хэлэлцээд албадан хураах шийдвэр гаргаж, байгууллагыг хохиролгүй болгохоор болсон удаатай юм.