“Урангүй Монгол” хөдөлгөөнөөс Улаанбадрах суманд ноцтой ажиллагаа явагдаж байгаа бөгөөд уг асуудлаа Ерөнхийлөгч, Ерөнхий сайд нарт шаардлага хүргүүлэхээ мэдэгдлээ.

Иргэдийн зүгээс “Улаанбадрах суманд туршилтын олборлолт явагдсанаас хойш 2011 онд аймгийн ИТХ-аас найман өрхөд хийсэн мал төллөлтийн гаж төлөгийн тухай мэдээлэл цацагдсан байдаг. Бүр н.Пүрэвдорж гэх иргэнийд хүн толгойтой ишиг үсгүй гарсан тухай байдаг. Улмаар сумын удирдлагаас Ерөнхийлөгч, Ерөнхий сайд, Их Хурлын даргад дөрвөн багийн иргэдийн гарын үсэг шаардлага хүргүүлж байсан. Дараа нь малчин Дагвын 19 үхэр бэлчээр дээрээ байхдаа уран долоогоод үхсэн. Ингээд 2012 онд малын зүй ус хорогдол 2870 хүртэл өссөн юм.

2013 онд Н.Алтанхуягийн Засгийн газар уг асуудалд ажлын хэсэг байгуулж ажиллуулж байсан. Комиссоос хайгуулын өрөмдлөг дээр цацрагийн хэмжээ долоо дахин их байгааг тогтоосон. Харин мал нь цацрагийн ужиг хордолтоор үхсэнийг Мал эмнэлгийн ариун цэврийн лабораторийн анхны дүгнэлтээр тогтоосон. “Арева” компанийн зүгээс хоёр удаа мэдэгдэл гаргасан. Мэдэгдэлдээ 2010-2011 онд туршилтын ажиллагаа уусмалын аргаар олборлосон талаар хүлээн зөвшөөрсөн байдаг.

2013 он Зүүнбаян багийн хайгуулын ойролцоо өвөлжиж байсан Гэрэлт-Од малчны 90 мал төллөснөөс 72 нь гаж байдалтай үхсэн. Тухайлбал, хүн, гахай толгойтой гарсан. Эдгээрийг устгаж байсан акт бий. Улмаар 2013 онд аймгийн ИТХ энэ ажлыг зогсоох тогтоол гаргаж, лицензийг нь цуцлуулах тухай Засаг даргад хүргүүлсэн байдаг.

Гэвч тус оны арваннэгдүгээр сарын 26-нд Франц улстай олон улсын нууц гэрээ байгуулсныг эсэргүүцэж шаардлага хүргүүлсэн. 2015 оны гуравдугаар сард “Ураны эсрэг ба сөрөг тал” гэсэн эрдэм шинжилгээний олон улсын бага хурал хийсэн. Энэ үеэр ажлын хэсгийнхэн бүгд ялагдаж, дутагдлаа хүлээсэн.

2016 онд  хараат бус шинжээч, Бригадын генерал Т.Хүрэлээ байлдааны хорт бодис хэрэглэж, туршиж байгаа талаар шинжилж тогтоосон байдаг юм. Мөн тус аймагт дахин туршилтын олборлолтын үйлдвэр байгуулж, зургаан цооногт өрөмдлөг явуулж эхэллээ” гэв.

Иймд үүссэн нөхцөл байдалтай холбогдуулан төр засаг анхааралдаа авна гэж итгэж байна гэлээ.

Б.Лхам