Нийслэлийн Сүхбаатар дүүргийн VII хороо, Дашчойлин хийдийн зүүн талд орших 34 дүгээр орон сууцанд өчигдөр 17.00 цагийн орчимд гал гарсан талаар бид мэдээллэсэн билээ. Гал тухайн орон сууцны дөрөвдүгээр давхраас гарсан бөгөөд үүний улмаас 10 гаруй айлын тагт шатсан юм. Галын дуудлагын дагуу нийслэлийн Онцгой байдлын газрын Аврах, гал унтраах албаныхан осол хэргийн газарт ажиллаж галыг оройн 18.00 цагт бүрэн унтрааж, галын шинжээчид хэргийн газарт ажилласан байна. Шинжээчийн урьдчилсан дүгнэлтээр ахуйн хэрэглээний хий дэлбэрснээс үүдсэн байж болзошгүй аж.
