Алиалагч, жүжигчин Л.Нурбулан хүнд өвчний улмаас эмнэлэгт хэвтэн эмчлүүлж буй. Тэрбээр уушгины буглаа гэсэн оноштойгоор хагалгаанд орж, амжилттай болсон ч хагалгааны дараа өвчин нь хүндэрч БНХАУ-д эмчлүүлэх шаардлагатай болжээ.

Түүний эмчилгээний зардалд 500 гаруй хүн нэгдэж, хандив өргөсөн бөгөөд 24 дүгээр сургуулийн хоёрдугаар ангийн Э.Номт хүү уриалга гаргаж, хандив цуглуулж байна.

Тэрбээр үе тэнгийнхэн болон иргэдэд хандан “Хандивын аяны дэвтэр” бий болгож, идэвхтэй оролцохыг уриалжээ.

Хүүхэд бүр алиа, хөгжөөнтэй зүйлд дуртай. Тийм ч учраас Э.Номтын хувьд жүжигчин Нурбуланы тоглосон жүжгийг шимтэн үзэх дуртай гэнэ. Бүр хайртай жүжигчиндээ зориулж “Алиалагч ах Нурбулан та хурдан эдгэрээд манай ангийн шинэ жил болон сургуулийн 60 жилийн ойн баярт хүрэлцэн ирж оролцох”-ыг хүссэн захиадал хүртэл илгээн, 2000 төгрөг цуглуулж эхэлсэн байна.

Уг аянд нэгдэхийг хүссэн иргэд Л.Нурбулан “Хаан банк” 5072040873 дансанд шилжүүлэх боломжтой аж.

Сайн үйлс дэлгэрэх болтугай!