Өндөр настнуудаас амьдралдаа хамгийн ихээр баярлаж, мөн харамсдаг зүйлийнх нь тухай асуухад “Бага аялж, бага хайрласандаа л харамсаж байна. Бид боломжтой үедээ аялах биш, аялахын тулд өөрсдөдөө боломж гаргаж байх хэрэгтэй” гэж хариулсан байдаг. Аялснаар зөвхөн дэлхийн ертөнцийг төдийгүй өөрийгөө олж, дотоод “би”- ээ танин мэдэхэд тусалдаг шидтэй гэхэд хилсдэхгүй биз ээ.
Тэгвэл аялаад үзэх үү? Хаашаа аялах вэ? “”Хамгийн сонирхолтой аялал” гээд хайгаад үзэхэд “Дубайн аялал” гэж гарч ирэв. Хүмүүсийн ихээр аялдаг газар бололтой. Сонирхолдоо хөтлөгдөн аяллын судалгаагаа хийж яваад би ч мөн Дубай руу явах нууцхан шийдвэрээ дотроо аль хэдийнэ гаргаснаа анзаарсан юм. Ингээд надтай адилхан аялах хүсэлтэй ч хаашаа гэдгээ мэдэхгүй байгаа олон залуустаа зориулаад аялах шийдвэр гаргахад минь нөлөөлсөн мэдээллүүдээ хуваалцъя.
Дэлхийн хамгийн өндөр барилгын цонхоор нар шингэхийг харангаа кофе ууна
Дэлхийн хамгийн өндөр барилгын цонхоор гайхалтай бүтээн байгуулалтуудыг тольдонгоо, нар шингэх үзэсгэлэнтэй дүр зургийг сэтгэлдээ мөнхөлж, дуртай кофегоо амтлан уух тэр мөчийг сэтгэлдээ зураглан сууна. Уг нэр алдраа өнөөг хүртэл хадгалсаар байгаа тус хотын хамгийн алдартай цамхаг “Бурж Халифа” 828 метр өндөр, 162 давхар. Барилгын 124 дэх давхарт бүхэлд нь жуулчдад зориулан электрон телескоп байрлуулж өгсөн ба эндээс Дубайн хуучин хэсэг, усан болон нисэх онгоцны буудал зэргийг хамгийн ойроос харж болохоос гадна 90 км зай дахь хот тэр чигтээ харагддагаараа гайхалтай аж.
Усан дээрх хуурай газрыг бүтээсэн дэлхийн 8 дахь гайхамшиг
Дэлхийн 7 гайхамшиг байдаг ч 8 дахь гайхамшгийг нэмж бүртгэхээс өөр аргагүйд хүргэсэн нь хүний гараар бүтээн бий болгосон Палм хиймэл арал юм. Арлыг бүхэлд нь өндөрлөг газраас харвал Дал модыг санагдуулам дүрслэн бүтээснийг олж харах бүр ч сонирхолтой. Энэхүү бүтээн байгуулалтыг хийхэд шаардагдсан чулууны хэмжээ нь дэлхийн бөмбөрцгийг 3 удаа тойрох хэмжээтэй дүйцэх ажээ. Арлаас эх газар руу холбосон дүүжин төмөр зам бүхий галт тэрэг аялах бөгөөд энэ нь мөн л дэлхийд анхдагч юм.
Хөгжмийн хэмнэлд бүжих усан оргилуур
Зөвхөн Дубайд л харж болох гайхамшгуудын нэг болох дэлхийн хамгийн том усан оргилуурыг харан нүд, сэтгэлээ баясгах нь амьдралдаа заавал очиж үзэх ёстой газруудын нэгээр бичигдсэн байдгийг та мэдэх үү? Хөлбөмбөгийн хоёр ч талбайг нийлүүлснээс урт, 50 давхар байшинтай тэнцэх өндөрт хөгжмийн хэмнэлээр бүжин оргилох энэ урлагийн бүтээлийг хараад гайхан бишрэхгүй өнгөрөх хүн үгүй билээ. Усан оргилуурын өндөр усан түрлэгүүдэд 6 мянган гэрэл өнгө нэмсэн нь сансрын хиймэл дагуулаас ч тодрон харагдана. Завиар зугаалангаа сонгодог хөгжмийн эгшгийг мэдэрч, тэрхүү уянгалаг чимээг даган бүжих усан оргилуурын гоо үзэсгэлэнг яг дэргэдээс нь тольдон суух нь аяллын төлөвлөгөөний минь нэг хэсэг.
Дэлгүүр хэсэхэд нэг өдөр хангалтгүй
Дэлхийн хамгийн том худалдааны төвөөр дэлгүүр хэсэх нь аяллын шийдвэрт маань нөлөөлсөн бас нэг хүчин зүйл. Тансаг зэрэглэлийн, дундаж, бүр хамгийн хямд зэрэг бүх төрлийн бүтээгдэхүүн, үйлчилгээг хүргэхээр энд нэг дор 1200 дэлгүүр ажилладаг. Тиймээс дэлгүүр хэсэхэд нэг өдөр хангалтгүй бололтой. Гэхдээ худалдааны төвд дэлгүүрээс гадна газар доорх аквариум, мөсөн гулгуурын талбай, дэлхийн хамгийн том усан парк гээд нэг дор туршиж, мэдэрч үзэх боломжтой олон сонирхолтой үйлчилгээг багтаасан нь сонирхлыг минь улам татсан юм. Ингээд бодохоор долоохон хоногт л 750 мянган жуулчин үйлчлүүлдэгт нь гайхах зүйлгүй.
Дубай руу үнэгүй аялах боломж олсон нь
Аялах хүсэлдээ умбан сүүлдээ “Дубайн аялал” гэж бичин хайдаг боллоо. Гэтэл хайлттай минь холбоотой, бүр үнэгүй аялах тухай сонирхолтой мэдээлэл гарч ирэх нь тэр. Голомт банкнаас харилцагчдадаа зориулан сугалаат аян явуулж, Дубай руу аялуулж байгааг мэдлээ. Болзол нь тун хялбархан аж. Ердөө Голомт банкны картаараа Голомт банкны пос машин дээр 20 мянган төгрөгний гүйлгээ хийх бүрт сугалааны эрхтэй болох юм байна. Энэ оныг дуустал сар бүр 3 азтан тодруулж байгаа гэнэ. Яагаад үзээд алдаж болохгүй гэж. Үнэхээр их хүсэхэд тэр хүсэл биелэгдэхийн тулд боломжууд нээгддэг гэдэг. Магадгүй миний тэрхүү боломж энэ байхыг тааж мэдэшгүй билээ. Аялах тухай бодон суугаа та ч гэсэн энэ аянд нэгдээд, сугалааны эрхээ аваарай.
Сугалааны эрхээ ЭНД дарж шалгаж болох юм байна шүү, өөрсдөдөө амжилт хүсцгээе!
