Энэ сарын 12-нд хийсэн хяналт, шалгалтаар түүхий нүүрс хадгалж хэрэглэсэн хоёр, зөөж тээвэрлэсэн нэг зөрчлүүдийг илрүүлэн шалгаж, тээврийн хэрэгслийг түр саатуулжээ.

Тухайлбал, Чингэлтэй дүүргийн 18 дугаар хорооны иргэн С нь түүхий нүүрс хэрэглэж байсан бөгөөд амбаартаа 100кг түүхий нүүрс хадгалж байжээ.

Мөн Хан-Уул дүүргийн 14 дүгээр хороо Зуун модны замд Hyundai Porter маркийн автомашины жолооч О нь 75 кг сайжруулсан түлш тээвэрлэж явсанг тус тус илрүүлсэн байна.

Цаг агаар хүйтэрч байгаа боловч иргэд та бүхнийг Нийслэлийн засаг даргын 2019 оны аравдугаар сарын 24-ний өдрийн А/1118 дугаар захирамжид заасны дагуу агаарын чанарыг сайжруулах бүс рүү түүхий нүүрс нэвтрүүлэхгүй, сайжруулсан шахмал түлшийг бүсээс гаргахгүй байхыг анхааруулж байна.

Тээврийн цагдаагийн алба