“Эрдэнэс-Тавантолгой” ХК-ийн Нүүрс ачилт, ложистикийн хэлтсийн эерэг  бүсгүйчүүд санаачлан цагийг үр ашигтай өнгөрүүлэх, эрүүл, зөв хэвшлийг бүтээх зорилготой  "Зөв хандлагыг түгээе" уралдаант  сорил зохион байгуулж байна. Энэхүү сорилоор  5 эерэг дадлыг өөртөө хэвшүүлэх бөгөөд өдөр бүр эрт босох, талархал бичих,  эрүүл хооллох, дасгал хөдөлгөөн хийх, бусдыг баярлуулах гэсэн даалгавруудыг дөрвөн 7 хоногийн турш гүйцэтгэх юм.  Бусдыг баярлуулах даалгаврын хүрээнд тэдний төлөөлөл “Өнөр бүл” Улсын асрамжийн төвийн аж, амьдралтай танилцаж, цалингаасаа хандив өргөлөө.

Өдгөө томоохон байгууллагууд ажилчдынхаа мэдлэг боловсролоос илүү зөв хандлагыг ихэд чухалчилах болсон нь санамсаргүй хэрэг биш юм. Ялангуяа, уурхайд гэрээсээ хол ажиллаж  буй уурхайчид бие биедээ талархаж, бие биенээ урамшуулан дэмжиж ажиллах нь чухал гэдгийг  ийн санаачилжээ. Уралдаанд 30 бүсгүй оролцож байгаа бөгөөд  дөрвөн 7 хоногийн турш өрсөлдөж, дүнгээ гаргана.