Энэ сарын 14-ны өдөр хяналт, шалгалтаар түүхий нүүрс зөөж тээвэрлэсэн таван зөрчлийг илрүүлэн шалгаж, тээврийн хэрэгслийг түр саатуулжээ.
Тухайлбал, Төв аймаг Борнуур сумын нутаг “Урьхан” зоогийн газрын хойд замд Hyundai Sonata-5 маркийн автомашины жолооч Э нь 256 кг түүхий нүүрс тээвэрлэн явж байжээ. Мөн Сонгинохайрхан дүүргийн 32 дугаар хороо Эмээлтийн замд Toyota Prius-30 маркийн автомашины жолооч Б нь 102 кг сайжруулсан түлш тээвэрлэж явсныг тус тус илрүүлсэн байна.
Цаг агаар хүйтэрч байгаа боловч иргэд та бүхнийг Нийслэлийн засаг даргын 2019 оны аравдугаар сарын 24-ний өдрийн А/1118 дугаар захирамжид заасны дагуу агаарын чанарыг сайжруулах бүс рүү түүхий нүүрс нэвтрүүлэхгүй, сайжруулсан шахмал түлшийг бүсээс гаргахгүй байхыг анхааруулж байна.
Тээврийн Цагдаагийн Алба