Хэнтий аймгийн Баянхутаг сумын харьяат, Ардын засгийн анхны аваргуудын нэг, "босоо" хэмээх Ганжууражавын Самданы мэндэлсний 120 жилийн ойд зориулсан Улс, аймгийн алдар цолтой 256 бөхийн барилдаанд Хэнтий аймгийн Батширээт сумын харьяат, Хилчин СХ, Хан Хэнтий аварга дэвжээний бөх, аймгийн заан Г.Бадрах 8 даван түрүүлж, Сэлэнгэ аймгийн Цагааннуур сумын харьяат, Таван-Хан дэвжээний бөх, улсын шинэ залуу начин Б.Орхонбаяр үзүүрлэн, Баян-Өлгий аймгийн Улаанхус сумын харьяат, улсын начин Б.Серик, Хөвсгөл аймгийн Их-Уул сумын харьяат, улсын начин Б.Даваа-Очир нар их шөвөгт шалгарлаа. Харин дунд шөвгийн наймд улсын начин Б.Одбаяр, Д.Тамир, Б.Амаржаргал, аймгийн заан С.Оргилбаатар нар үлдэв.
Б.Жаргал