Булган аймгийн Бүрэгхангай сумын харьяат, Монгол Улсын манлай начин, “дүүгүүр” хэмээх Д.Гомбосүрэнгийн нэрэмжит аймаг, цэргийн цолтой болон залуу 256 бөхийн ээлжит барилдаан өчигдөр Монгол бөхийн өргөөнд боллоо. Энэ барилдаанд Булган аймгийн Хутаг -Өндөр сумын харьяат, аймгийн арслан Хутагийн Цогтгэрэл найман даван түрүүлж, Дархан-Уул аймгийн Хонгор сумын харьяат, аймгийн хурц арслан Сүрэнжавын Очирбат үзүүрлэв. Их шөвөгт Булган аймгийн Могод сумын харьяат, аймгийн хурц арслан Өрнөхбаярын Сүхбат, Говь-Сүмбэр аймгийн Сүмбэр сумын харьяат, аймгийн арслан Энхтөрийн Мөнхбаатар нар шалгарлаа.
Б.Жаргал