УИХ-ын дарга Г.Занданшатар Үндсэн хуулийн эхийг Монгол Улсын Ерөнхийлөгчид гардууллаа. Ерөнхийлөгчид хуулийг хүргүүлснээс хойш тав хоногийн дотор хориг тавих эсэхээр хариу өгөх юм. Тодруулбал, "Үндсэн хуульд Ерөнхий сайдаас бусад сайд “давхар дээл”-гүй байна гэсэн заалтыг оруулахгүй" бол Ерөнхийлөгч хуульд хориг тавина гэдгийг Тамгын газрын дарга З.Энхболд хэлсэн. 

Тэрбээр “Давхар дээл”-тэй сайд дээр хориг тавих тухай яригдаж байгаа. УИХ хоригийг хүлээж авах бүрэлдэхүүн судалж байна. Хэрвээ тавихгүй бол тавихгүй. УИХ-ын нэгдсэн чуулганы хуралдаанд оролцсон гишүүнд 100 хувийн саналаар Үндсэн хуулиа баталсан. Гишүүд дөрвөн сайд “давхар дээл”-тэй байхад аль нам нь дуртай байх шиг байна. Тиймээс хориг хүлээж авахааргүй бол тавихгүй. Зөвхөн дөрвөн “давхар дээл” дээр л асуудал бий. Бусад өөрчлөлттэй Ерөнхийлөгч санал нийлж байгаа” гэв.