УИХ-ын гишүүн Ж.Батзандангийн эрх ашиг хамгаалагдаж, олон нийтэд “таалагдаж” л байвал түүнд төрийн нууц ч  “падлийгүй” дээ. Задалж ч чадах хүн.

Энэ нь түүний хэлж байгаагаас анзаарагддаг юм. Тухайлбал, өчигдөр тэрбээр төрийн ордны индрээс “800 хятадын талаар ярихаас өөр аргагүй боллоо. Тэднийг аравдугаар сарын сүүлээр хэн гэдэг этгээд оруул ирснийг хэлж өгье. Тэгэхгүй бол Ж.Батзандан оруулаад ирчихсэн юм шиг ярьдаг боллоо. Аравдугаар сарын 12-15-ны хооронд Хуан гэх нэртэй хятад хүн Засгийн газрын  Шадар сайдтай уулзсан байна. Энэ үед Алтанбулаг, Цагааннуурын чөлөөт бүсийн дарга нар хамт байсан байна. Алтанбулаг, Цагааннуурын чөлөөт бүсэд цахим казино ажиллуулах зорилгоор Засгийн газрын өндөр албан тушаалтнууд хятадуудыг хүлээн авч уулзаж, Монгол Улсын чөлөөт бүсэд цахим казино байгуулж болно. Та бүхэн ирж туршилт хий гэдэг хүсэлт тавьсан” талаар хэлсэн юм.

Мөн үүнтэй холбоотой асуудлаар Ерөнхийлөгчтэй уулзаж, Л.Болд гишүүний санаачилгаар ҮАБЗ-ийг хуралдааныг явуулж, сонслоо. Нууцын асуудал, мөрдөн шалгах ажиллагаа явагдаж байгаа тул мэдээлэл гаргаж болохгүй талаар хууль сануулж байгаа. Гэхдээ энэ нууцыг хадгалаад байх юм бол бараг л “миний талаар” буруу мэдээлэл явах нь ээ. Тиймээс энэ мэдээллийг засах зорилгоор зориуд хэвлэлийн хурал хийж байна гэдгийг тодотгов.

Учир нь зарим хэвлэл мэдээллийн хэрэгслээр Ж.Батзандангийн ах Ж.Баатарсүрэн хятадуудыг оруулж ирсэн талаар мэдээлж, мөн зарим албан тушаалтанууд ч түүний ах оруулж ирсэн талаар хэлж байлаа. Тиймээс олон нийтэд буруугаар ойлгогдоод байгаа нэрээ цэвэрлэхийг хүссэн хэрэг.

Тэрбээр энэ талаар “Нийт 53 халхавч компани байгууллага байгуулж, Гадаад харилцааны яам, Тагнуулын ерөнхий газарт хүсэлт гаргаж жуулчин нэрээр орж иржээ.

Зарим хүмүүс жуулчны визийг Консулын газар өгдөг гэж буруу яриад байгаа. Жуулчны визийг тусгай компаниудад хүсэлт гаргаж, уг хүсэлтийн дагуу Гараад харилцааны яам код олгож үүнд үндэслэн Эрээн, Бээжин, Хөххотын Консулын газар визийн зөвшөөрөл өгдөг” хэмээн тайлбарлав.

Гишүүн Ж.Батзандангийн хэлснээр Хуан гэх хятад Засгийн газрын шадар сайд, Алтанбулаг, Цагааннуурын чөлөөт бүсийн дарга нартай уулзалт хийсэн гэдгийг онцлон тэмдэглэсэн. Засгийн газрын Шадар сайдын албан үүргийг гишүүн Ө.Энхтүвшин гүйцэтгэдэг. Тэгэхээр Ө.Энхтүвшин сайд Монгол Улсад кибер гэмт хэрэг зохион байгуулсан байж болзошгүй үнлэслэлээр шалгагдаж, албадан гаргуулсан 800 хятадыг оруулж ирэхийг зохион байгуулсан болж таарах нь уу.

Б.Лхам