Нийслэлийн хэвлэл, мэдээллийн төвд НОБГ, НМХГ-аас сайжруулсан шахмал түлшний хэрэглээний талаар мэдээлэл хийлээ.
Өнгөрсөн баярын өдрүүдэд буюу энэ сарын 26, 27-ны өдрүүдэд угаарын хийнд хүнд, хөнгөн хэлбэрээр 18 өрхийн 40 иргэн хорджээ. Үүнээс 24 нь том хүн, 16 нь хүүхэд байна.
Энэ талаар НОБГ-ын Гамшгаас урьдчилан сэргийлэх хэлтсийн дарга Г.Нэргүй “НОБГ-т ирж байгаа хоногийн дуудлагын 80 орчим хувийг обеъктийн гал түймрийн дуудлага эзэлж байна. Мөн гэр хороололд амьдарч байгаа иргэдийн яндангийн цоонолт, үнс нурмаа ил задгай асгасан байдал, шаардлага хангаагүй цахилгаан хэрэгсэл, цахилгааны кабель утас болон гэр хорооллын цахилгааны үнийн тариф хөнгөлсөнтэй холбогдуулан цахилгааны ид ачааллыг ихэсгэснээс үүдэн объектийн гал түймэр гарч эд хөрөнгө амь насаараа хохирох асуудал илэрч байна. Тиймээс шахмал түлшийг ахуйн хэрэглээнд хэвшиж байна гэдэг нь харагдаж байна. Харин яндангаа хөөлөхгүй, зуухаа цэвэрлэхгүй зэрэг шалтгаанаас үүдэн агаар сэлгэлт явагдахгүй байгаа учраас битүүмжлэл алдагдсанаас угаартах явдал гарч байгааг анхаарах хэрэгтэй” гэлээ.
НМХГ-ын дэд дарга С.Даваасүрэн “Хан-Уул дүүрэгт 37 настай иргэн нас барсан. Тухайн үед цахилгаан галлагаа хийж байх үедээ гэртээ засвар хийж байжээ. Засварын үед хана болон цонх нь цантаад байсан учир зуухныхаа янданг цонхоороо гаргаж, галласан. Улмаар тухайн иргэн хордлогын хурц хэлбэрт орж нас барсан байна. Хамгийн гол нь зуухны яндан өндөр байх ёстой. Тэгэхгүй бол утаа эргэж орж, угаартах аюултай” гэв.
Б.Лхам
Сэтгэгдэл (3)