Загварын хүрээллийнхний хүсэн хүлээдэг Монголын загварын ертөнцийн хамгийн том ёслол болох ‘Гоёл-2020’ наадам өнгөрсан арваннэгдүгээр сарын 30-нд буюу өчигдөр боллоо. 32 дахь удаагийн зохиогдож буй тус наадмын "Топ модель"-оор загвар өмсөгч, “Miss Mongolia 2012”-ийн тэргүүн мисс, “Goyol 2017”-ийн шилдэг загвар өмсөгч Д.Долгион тодорч, ялагчийн өргөмжлөлийг "Гоёл-2019" наадмын "Топ модель" Н.Сарнай гардуулсан юм.

Энэ жилийн наадамд “G fashion”, “Zorto fashion”, “Бажуна”, “Ивээл”, “Урангоо Идэр”, “UGi fashion, “Bortua” "Monroze" зэрэг үндэсний брэндийн шилдэг загваруудыг танилцуулсан.

Ингээд “Гоёл-2020” наадмын шилдгүүдийг танилцуулъя.

• Тусгай шагнал "Алтжин" брэнд
• Шилдэг мэйк ап артист “Кристал” салон Болор
• Шилдэг Үсчин “Хос мастер” салон Эрдэнэбаяр
• Гоёлын хувцасны Шилдэг дизайнер Болормаа
• Үндэсний өдөр тутмын загварын Шилдэг дизайнер “Шилмэл загвар” компани
• Өдөр тутмын хувцасны Шилдэг дизайнер Өнөржаргал
• Үндэсний хувцасны Шилдэг дизайнер  “Эртний Монгол хийц” компани
• Шилдэг загвар өмсөгчийн дэд байр Д.Дэлгэрмаа
• Шилдэг эмэгтэй загвар өмсөгч Сайхантамир
• Шилдэг эрэгтэй загвар өмсөгч Адьяасүрэн
• Шилдэг Фото модель Д.Халиун