Чөлөөт бөхийн Европын залуучуудын хошой аварга Юрий Власкогийн дурсгалд зориулсан 23 хүртэлх насны залуучуудын олон улсын тэмцээн арванхоёрдугаар сарын 2-3-нд ОХУ-ын Буриадын нийслэл Улаан-Үдийн спорт цогцолборт боллоо. Хоёр дахь удаагийн тэмцээнд Монгол, Казахстан, Кыргызстан, Тажикистан, ОХУ-ын Буриад, Саха, Тува, Эрхүү, Хабаровск, Кемерово, Красноярский край, Забайкальский крайгийн 220 тамирчин эрэгтэйчүүдийн 10 жинд өрсөлдөв.
Манай улсаас “Хасу-Мегастарс”, “Тулгат”, “Женко”, “Хангай хүчтэн” клуб, “Хилчин” спорт хороо, Орхон аймгийн “Ирээдүйн одод”, 73 дугаар сургууль, МУБИС-ийн 39 тамирчин Улаан-Үдийн дэвжээнд зодоглосноос нэг алт, дөрвөн мөнгө, долоон хүрэл, нийт 12 медаль хүртлээ.
Тухайлбал, 97 кг-ийн жинд Ч.Алтангэрэл алтан медаль, 70 кг жинд Э.Тэмүүлэн, 79 кг-д Д.Батзул, М.Цогтгэрэл 86 кг жинд, 92 кг-н жинд Б.Билгүүн нар мөнгөн медаль, 57 кг-н жинд Н.Наранхүү, 61 кг жинд Э.Төгсжаргал, 74 кг-д Э.Төгсжаргал, 74 кг-д М.Тэмүүжин, 74 кг-д Ч.Гэндэн-Яримпил, 86 кг-д Д.Оргилох, 92 кг-д Б.Батзориг, 125 кг-ийн жинд С.Ган-Эрдэнэ хүрэл медаль тус тус хүртлээ.
