Хуульч Б.Гүнбилэг “Ам нээвэл” нэвтрүүлэгт оролцох үеэрээ “УИХ-ын нэр бүхий таван гишүүнтэй хамт УИХ-ын даргад шаардлага хүргүүлэхээр өрөөнд нь орсон нэг хүн хутга барьж дайрсан. Энэ үед хамгаалалтын албаныхан дээрээс нь шууд дарж унагаасан" гэж мэдэгдсэн билээ. Тэгвэл үүнд УИХ-ын дарга асан М.Энхболд өөрийн твиттер хуудсаар дамжуулан тайлбар хийжээ. Тэрбээр  “Над руу ухасхийсэн хүний гарт хутга байгаагүй. Харин хамгаалалтын албаныхан хутга хураасан гэж надад танилцуулж байсан. Би тэр үед ордны доторх болон гаднах нөхцөл байдлыг сайн мэдэрч байсан тул энэ асуудлыг дэвэргэх шаардлагагүй гэж хэлсэн" гэжээ.