“Бэлгийн замаар дамжих халдвар, ХДХВ/ДОХ-ын халдварын нөхцөл байдал, хэрэгжүүлж байгаа арга хэмжээ” сэдэвт Нийгмийн бодлого, боловсрол, соёл, шинжлэх ухааны байнгын хорооны хэлэлцүүлэг өнөөдөр боллоо. Энэ үеэр ХӨСҮТ-ийн судалгаар бэлгийн замаар дамжих халдварт өвчтэй хүн 13200 орчим байгааг албаныхан онцолсон. Тухайлбал, дээрх халдвараас тэмбүүгийн халдвар 38.9 хувийг эзэлж байна. Өөрөөр хэлбэл, бэлгийн замаар дамжих өвчлөл дундаас тэмбүүгийн тархалт нэмэгдэх хандлагатай байгааг онцолсон. Тодруулбал, төрөлхийн тэмбүүгийн халдвартай 54 ээжээс 20-ийнх нь ураг амьгүй төржээ. ХДХВ/ДОХ-ын халдварын хувьд 281 тохиолдолд бүртгэгдсэн. Тээгчийн хувьд 18-25, 25-35 насныхан ихэвчлэн байгаа бол ХДХВ/ДОХ-ын халдвар тээгчийн 80 хувь нь эрчүүд юм байна. Төрөөс бэлгийн замаар дамжих халдварт өвчний тархалтыг бууруулах үүднээс салбар яамд болон бусад төрийн байгуллагууд хамтарч ажиллаж байна.

Албаны хүмүүсийн онцолж буйгаар 13-аас дээш насныхан дээрх өвчний халдвар авах тохиолдол тогтмол нэмэгдэж байгаа аж. Үүний шалтгаан нь уул уурхай дагасан бүс нутагт энэ төрлийн халдварын тархалт өндөр байгаа аж.