МХГ, НОБГ-аас сайжруулсан түлштэй холбоотой асуудлаар мэдээлэл хийлээ. 

НОБГ-ын Гамшгаас урьдчилан сэргийлэх хэлтсийн дарга Г.Нэргүй “Галлагаа эхэлсэн эхний долоо хоногийг бодвол дуудлагын тоо багаслаа. Тухайлбал, өнгөрсөн долоо хоногт нэг дуудлага ирсэн. Өнөөдрийн байдлаар эмнэгийн байгууллагад нэг хүүхэд хэвтэн эмчлүүлж байна. Одоо угаарын хий гэхээс илүү сайжруулсан шахмал түлшийн сайн картын борлуулалт, түгээлт болон түүхий нүүрсийн хяналт, шалгалтыг эрчимжүүлэхээр ажиллаж байна. Гэр хорооллын иргэд шахмал түлшийг ахуйн хэрэглээндээ хэрэглэж сурсан гэдэг нь харагдаж байна. Нийслэлийн агаарын бохирдол 50 хувиар буурсан гэж мэргэжлийн байгууллагууд дүгнэж байна. НОБГ, ЦЕГ, Эрүүл мэндийн газар, НМХГ 24 цагаар жижүүрлэн, дуудлага мэдээллимйг шуурхай хүлээн авч ажиллаж байна.

Тавантолгой компаниас түлшний захиалга, нийлүүлэлтэд онцгой анхаарч, бүх цэгүүдийг түлшээр тасалдуулахгүй байх үүрэг өгч ажиллаж байна. Бэлэн мөнгөөр түлш худалдахгүй байх, түлш борлуулсан байдал зэрэгт онцгой анхаарч ажиллаж байна” гэлээ.

Өнгөрсөн шөнө хоёр айл түүхий нүүрс түлж байна гэсэн дуудлагын дагуу хяналт, шалгалт явуулахад нэг аж ахуйн нэгж нь сайжруулсан түлш түлж байжээ. Мөн товчоодод хийсэн шалгалтаар багануурын нүүрс оруулж ирэх эрхийн бичигтэй машин 12 тонн налайхын нүүрс тээвэрлэж явсныг илрүүлж, зөрчлийн хэрэг нээжээ.

Б.Лхам