УИХ-ын гишүүн Н.Номтойбаяр мэдээлэл хийж байна. 

Тэрбээр "Намайг яллагдагчаар татсан дөрвөн үндэслэл байна. УИХ-ын гишүүн Н.Номтойбаяр нь сайдаар ажиллаж байхдаа Засгийн газрын тогтоолоор баталсан журмыг зөрчсөн гэж үзсэн байна. Энэ нь ямар учиртай юм гэхээр Ч.Сайханбилэгийн Засгийн газрын үед батлагдсан журам. Энэ хүрээнд тусгайлан заасан малчин, хөдөлмөр эрхлэгч иргэдэд олгодог зээл. Нэг иргэнд тав хүртэлх сая. АТГ-ын комиссарууд хууль тогтоомжоо судлаагүй мөртлөө намайг яллаж байна.

Хоёр дахь асуудал нь эргэн төлөлтгүйгээр 3.9 тэрбум төгрөгийг олгосон гэж үзсэн байна. Хоёр жилийн хугацаатайгаар эргэн төлөгдөх нөхцөлтэйгөөр гэсэн тогтоол баталсан юм уг нь. Нөхдүүд гаргасан шийдвэрийг ерөөсөө судлаагүй байна. Жишээ нь, хуралд оролцоогүй гишүүдийг оролцсон мэтээр дүгнэлт үйлдэж, шийдвэр гаргасан байна. Аз болж хуралдаан болсноос гурав хоногийн дараа МҮЭХ өөрийн сайтдаа зураг хөрөгтэй нь мэдээлэл гаргасан байна. Миний бие сайдаар ажиллаж байхдаа 21 аймаг, есөн дүүргээр явж ажилласан. Салбартай холбоотой гомдол ирдэг. Түүнийг нь харьяа байгууллага руу явуулж шийдүүлдэг. Нэр бүхий гишүүдийн зураг хөрөгтэй мэдээлэл явж байна лээ. Тэр дотор намайг оруулсан байна лээ. Сүүлдээ намайг өөртөө зээл авсан байна гэсэн.

Өөртөө зээл авчихсан мэтээр гүтгэж байна. Эндээс хоёр зүйлийг дүгнэмээр байна. АТГ-ын удирдлагууд яаж ажиллаад байгаа юм. Нэг бол АТГ-ын ажилтнуудын ур чадвар уу, эсвэл улс төр үү гэдгийг нь цаг хугацаа тогтооно. СУИС-ийн кино драмын курсын оюутан арай ч ийм хөгийн юм бичихгүй. Би сүүлийн дөрвөн өдөр АТГ-ын удирдлагуудтай уулзах гээд чадсангүй. Өнөөдрийг хүртэл хүлээж байна. Одоо хүртэл таг. АТГ-ын дарга З.Дашдаваа намайг УИХ-ын гишүүнээс эгүүлэн татуулахаар хөөцөлдөж байгаа гэсэн.

Намайг ямар зүйлд буруутай гээд байгаа юм. Бүх баримт нь надад байна. Хууль дүрмийн дагуу ажлаа явуулж байсан тогтоол, шийдвэр нь бүгдээрээ байна. Үүнийг аваад үз. Би бусдын нөлөөнд орж, ашиг сонирхол хөөдөг хүн биш. Сая тэмцээнээс ирээд гурван хоногийн хугацаанд холбогдох баримтаа олоод авчихлаа. АТГ-ын дарга нь зөвшөөрвөл хаалгыг нь онгойлгоод Та бүхний өмнө нээлттэй уулзчихмаар байна. Яллагдагчаар татагдсан хүнд нэг эрх бий. Тэр нь мэдүүлэг өгөх эрхгүй байх эрхтэй. Г.Батхүү агсны хэрэгт намайг яллагдагчаар татаагүй. Энэ асуудалд хэн нэгнийг сэжигтэн яллагдагчаар татагдаагүй. Бүх асуудал нь нотлогдчихсон зүйл. Хэнийг ч яллагдагчаар татаагүй. Яг асуудалд нь худал мэдүүлээд байна гэдгийг нь тодруулсан. Танай өрөөнд архи уусан байхад яагаад худал мэдүүлээд байгаа юм гэсэн. Манай өрөөнд огт уугаагүй. Амьдралтай юм ярих ёстой. Миний өрөөнд байсан архийг хураасан. Лабораторийн шинжилгээгээр нь тодруул л даа. Шүүх эмнэлгийн дүгнэлтийн харсан. Бүх юм тодорхой байхад хэвлэлийн хэрэгслээр над руу дайрч байгаад гайхаж байна. Цагдаагийн дарга, прокурор нь энд ирж мэдээлэл өгөх хэрэгтэй. Бүгдээрээ хөөрцөглөөд адал явдалтай кино үзэж байгаа юм шиг байж болохгүй” гэлээ

С.Сүлд